Умайн хоргүй хавдар буюу лейомиома

Умайн  хоргүй   хавдар  буюу  лейомиома



 

Умайн  хоргүй  хавдар нь нөхөн  үржихүйн   насны эмэгтэйчүүдийн дунд хамгийн  олонтоо  тохиолддог даавраас хамааралтай, умайн булчингийн  эдийн  хоргүй  хавдар юм. Нөхөн  үржихүйн  насны тухайлбал  40 дээш насны  5  эмэгтэй  тутмын нэг нь  умайн  хоргүй хавдартай  байна. Умайн  хоргүй  хавдрын  үед  янз бүрийн  хэмжээтэй  олон тооны зангилаанууд  умайн  булчинд үүсэх ба цөөн  тохиолдолд  ганц  зангилаа  үүснэ.

  •  Хавдрын  байрлал  Хавдрын  зангилааны  95% нь умайн  их биед,   5% нь   умайн  хүзүүнд   байрлалтай  хавдар байдаг. Умайн  их биед  байрлалтай  хавдар нь үндсэн 3  байрлалтай  байна. Үүнд:                                                                               

1. Умайн  булчин  доторхи 50%

2.  Умайгаас  гадагшаа  ургалттай  буюу  гялтан  доорхи   35%                                     

3.  Умайн  хөндии рүү  түрсэн  буюу салстын доорхи     15%   байршилтай   


           байна.  Хамгиин  элбэг  тохиолддог нь   булчин хоорондын   олон тооны  хавдрын  зангилаа бөгөөд   ургалт хурдан байх  талтай. Умайгаас гадагш хэвлийн  хөндий рүү түрсэн  хавдрын   үед  хавдрын  зангилаа  умайтайгаа        ихэвчлэн  өргөн  сууриар  холбогдох  ба зарим үед  урт  нарийхан   хөлөөр холбогдсон  тохиолдолд   маш их хөдөлгөөнтэй  байдгаас хавдар  хөл дээрээ  мушгирах  хүндрэл  гардаг.   Хавдрын  зангилаа нь  умайн  хөндий рүү түрсэн үед  сарын  тэмдгийн цус их хэмжээгээр удаан ирэх, нөжтэй гарах зэрэг  шинж тэмдэг  илэрнэ.  Иймээс  хавдрын  байршилаас  хамаарч  илрэх  шинж  тэмдэг харилцан  адилгүй  байна.                                                                                                                                                              

  • Үүсэх шалтгаан  Умайн  хоргүй  хавдар үүсэх  гол  шалтгаанд   дааврын   өөрчлөлт  хямрал  орно. Мөн  удамшил, сарын  тэмдгийн  мөчлөг  алдагдах, үргүйдэл, дутуу  төрөлт, таргалалт, чихрийн  шижин, үр хөндөлт олон удаа хийлгэсэн зэрэг  нөлөөлнө. Үүнээс  гадна  эрдэмтэд  миомыг сэтгэл  хямралтай холбоотой  гэж  тогтоосон    байна.                                                                                                                                                                        Илрэх
  • Шинж  тэмдэг  Умайн  хоргүй  хавдрын  үед  ерөнхийдөө  шинж  тэмдэг  бага илэрдэг  ба  гол шинж  тэмдэг  нь  сарын  тэмдэг  их хэмжээгээр  ирэх,  сарын  тэмдэгийн  мөчлөг  алдагдах, хэвлийн  доогуур ба  ууц  нуруугаар  өвдөх, бэлгийн  харьцаа  хийхэд  өвдөх,  хэвлий   хавиар томрох,  шээс  саадтай  гарах,  өтгөн  хатах  зэрэг  зовиурууд  илэрнэ.                                                                                                                                                            Умайн  хоргүй  хавдрыг  эмчлүүлэхгүй  удаан явснаас хэт  их  цус алдаж  цус багадалтад орох,  томорч орчны  эдээ  дарах, хавдар  хөл дээрээ  мушгирах, цус алдах, цусны  эргэлтийн  хямралаас  хавдар шохойжих болон  үхжих, зарим тохиолдолд   халдварлан  идээт   буглаа  үүсэх,  үргүйдэх,  хортойд  шилжих  зэрэг  хүндрэлүүд  гарч  болно.                                                                                                                 

  • Оношлогоо  Умайн  хоргүй  хавдрыг
  • 1.  хэт  авиан  шинжилгээ  буюу эхо-гоор                                                        
  •  2. Умайн  хөндийг дурандах  ( гистероскопия)                                               
  •  3. Хэвлийн  хөндийг дурандах ( лапароскопия )  аргаар   оношлоно. Мөн зовиур, дотуур үзлэг  зэргийг  хамт  хийж  оношлоно.        


  • Эмчилгээ

1. Эмийн 

2. Хэвлийн болон дурангийн сэс заслын  эмчилгээ  хийнэ. Умайн  хавдрын  хэмжээ, байрлал, зовиур, өвчтөний  нас  зэргээс  шалтгаалж  эмчилгээг  мэргэжлийн  эмч   шийдэж  хяналтанд  байлгана. Сүүлийн  үед  хавдрыг  тэжээж  буй  умайн артерийн  судсыг  бөглөх  эмчилгээг  мөн хийж  эмчилж  байна.


  • Тавилан

1. Биений  юм   хямарсан, зовиур илэрсэн цагаас оношлож  эмчлэх арга  хэмжээг  авах нь зүйтэй.                                                                                              

2. Умайн болон  дайврын  үрэвсэлт  өвчнөөр  өвдөхгүй байх, өвдсөн    үед   төгс  эмчилгээ хийлгэх, дахин өвдөхөөс сэргийлэх хэрэгтэй.                                            

3. Үр хөндөлтөөс зайлсхийх, жирэмслэлтээс  хамгаалах арга хэрэглэх                  

4. Жилд 2 удаа урьдчилан   сэргийлэх  үзлэгт хамрагдаж байх                              

5.   Сэтгэл санааны    хувьд тайван байх боломжийг  өөртөө  бүрдүүлснээр хоргүй хавдраас   сэргийлэх  бүрэн  боломжтой юм.                                                    

6. Умайн хоргүй хавдар нь эрт хяналтанд орсноор бүрэн эдгэрэх боломжтой өвчин юм.